دانلود آهنگ کوروش اسدپور تی به ره

تو که با خال لوت بردی ز مو صبر و قرار
تو پریزادی میَر یا که هدی کوگ بهار
چی شو تار تیه لت، جور کمنده پللت
تی به رهت نشسم، دلَ بردی ز دسم
بت سنگین دلی تو، ولا حوم بت پرستم
به کمند سر زلفت قسم ای حور پری
شو و روز سیت بی قرارم، تو ز مو بی خوری
حسرت به دل مندمه سیت
تش به دلم ایونه ریت
بیو دی وادیارم، آرمون روزگارم
بی تو طاقت نیارم، ای هر چه دار و نارم
به هوا پشخ ایبوهه بوی گلاب از نفست
مر تو مشک خُتنی یا که کلِوسه دو دسِت
چی شو تارن تیه لت، جور کمنده پللت
بیو چی کوگ تاراز / وا مال کنون وریم باز
ایلمون ونده به شیمبار / جا ولرگه پار و پریار
به هوای دیدنت دلم طاقت نیاره
بیو که با وصال تو پوییز دل بهاره
تی به ره نشهسه دل که تو ز ره بیویی
تنِ خدا زیتر بیو نکن با مو جدویی
زیتر بیو دیوری آلاله ی بهوری